اسهل طريقه لعمل التورته الاسفنجيه

السلام عليكم ورحمه الله وبركاته
ازيكم يااحلي فتوكات في الدنيا يارب تكونو بخييييييير دايما
اعزروني مصورتش التورته بالخطوات عشان الموبايل حقيييير ادعولي اغيره
عشان اصورلكم كل حاجه بالتفصيل الملل
اول مره اكتب في القسم ده ويارب متكنش اخر مره
دي اول مره اعمل تورته في حياتي وعلي رايك بقي هشووف دي هتبقي اخر مره ولا ايه
يارب بجد تعجبكم ... وياريت التقيم لو عجبتكم يعني
طريقتي اسهل بجد مايكون يعني الي مبتعرفش تعمل تورته ان شاء الله معايا هتعرفي تعمليها ومش هتكلفك اكتر من 15 جنيه

المكونات: تكفي لعمل صنيه زي ماانا عامله كده
نص كيلو دقيق تورته ( وده من عند اي عطار او بتاع مستلزمات الحلويات ) والنص كيلو من 4 ونص ل5
7 بيضات اي نوع بقي ودول ب5 او اقل حسب المكان الي عايشه فيه
محسن جيل وده بجنيه بس ( وبرضو من عند اي حد بتاع مستلزمات حلويات)
تمن كريم شانتيه انا مستخدمه هنا العادي وده ب3 جنيه بس
وفي الكريمه اللباني ودي ب4 بس
ربع كوب مايه دافيه ( كوبايه الشاي)
بيتهيالي مفيش اسهل من كده

التزين : كل واحد حسب امكانياته
يعني ممكن تجيبي ربع فراوله وهيبقي كتير كمان ب2ونص وواحده كيوي يظبطوكي
انا هنا مستخدمه كده في اول تورتايه

الطريقه : ودي اسهل مايكون
هتضربي البيض كله ومش هتفصلي حاجه هفضلي تضربي فيه
يعني 10 دقايق كده
هتحطي المحسن وهتفضلي تضربي لحد لما تلاقيه بقي زي الكريمه كده
وهتحطي النص كيلو دقيق علي مرتين مع تبادل المايه الدافيه
تجيبي صنيتك وتدهنيها سمنه علي خفيف كده
وتفرشيها ورق الزبده وده مهم جدا لنجاح التورته الاسفنجيه
تكوني مسخنه الفرن اول لما تبداي
هتحطي الصنيه علي درجه 180 وبعد نص ساعه تنزليها علي اقل درجه
وتسبيها
هي بتاخد معاايا من 50 ل55 دقيقه
بس باخد بالي وبفتح اللمبه وبشوفها للتتحرق وكل واحده وحسب فرنها برضو

بطلعيها وتسبيها تبرد وتقسميها زي ماتحبي هنا قسمتها تلاته

وتزيني بقي حسب راحتك
اتفرجو علي الصور




ودي تاني تورته
بس للاسف موبايلي حقييييييير ههههههه وطلع الصور وحشه